SveinBjörn ...koma svo

Nýtt lag - Cheerioke

2006-04-02T00:16:00.000Z

Nýtt lag komið í hús.
Cheerioke.
Þarna hefur SveinBjörn til fulltyngis D.J Casanova og er þetta live upptaka af Grænu Bauninni.

Vinsældir Kaffis og Íss að rísa aftur

2006-04-01T01:23:00.000Z

Fjörkálfurinn og píanóleikarinn Jón Ólafsson heldur úti heimasíðu sinni jon.is þar sem hann vinnur öturlega að því að kynna óþekkta íslenska tónlistarmenn. Ekki alls fyrir löngu tók hann smellinn Kaffi og Ís upp á sína arma og setti inn á heimasíðu sína. Í dag trónir Kaffi og Ís í 6. sæti vinsældarlistans hans.

Einnig hefur hin geðþekka söngkona Védís Hervör eða Veddarinn kosið lagið lag vikunnar á vefsíðu sinni veddarinn.blogspot.com. Á hún þakkir skilið og fær hugsanlega hlekk hér undir Aðrir verri tónlistarmenn ef hún ber sig eftir því.

Myndbandið við Kaffi og Ís

2006-02-15T00:34:00.000Z

Loks kom að því að myndbandið við Kaffi og Ís yrði tilbúið.
Ath það er á DivX formi en DivX má nálgast á www.divx.com.

Kaffi og Ís - Vídeó

Njótið

Jón Ólafsson tekur Kaffi og Ís upp á sína arma

2006-02-14T11:43:00.000Z

Píanóleikarinn góðkunni Jón Ólafsson sem margir þekkja úr vinsælu Idol þáttunum hefur tekið lagið Kaffi og Ís upp á sína arma og sett það inn á vefsíðu sína jon.is. Vonandi verður þetta til að auka hróður þessa stórgóða lags enn frekar.

Ennfremur vill hljómsveitin minna á gestabókina hér til hliðar.

Frægðarsól Kaffis og Íss skín enn

2006-02-13T09:15:00.000Z

Já ótrúlegar viðtökur á þessu lagi SveinBjarnar, Kaffi og Ís. Nú situr það í 18 sæti á vinsældarlista Rokk.is, hefur lækkað um tvö sæti en slær enn hljómsveitinni Dikta ref fyrir rass.
Verið dugleg að niðurhala svo við getum endurheimt 16. sætið.

Kaffi og ís Siglir upp Vinsældarlistana

2006-02-05T22:58:00.000Z

Rokklag SveinBjarnar, Kaffi og Ís hefur fengið fádæma vinsældir og er nú komið í evróvisjón-sæti Íslendinga á Rokk.is eða það sextánda. Við viljum þakka öllum sem hafa verið duglegir að niðurhlaða laginu og biðjum um enn frekari niðurhalningu svo við förum á toppinn.

SveinBjörn fer í lýtaaðgerð

2006-02-01T19:34:00.000Z

Sökum aukinnar frægðar og þrýstings frá Bandaríkjunum hefur SveinBjörn farið í lýtaaðgerð og lítur nú út eins og myndin að ofan.

Nýtt Lag - Kaffi og Ís

2006-01-29T19:43:00.000Z

SveinBjörn hefur nú lagt lokahönd á upptökur á smellnum "Kaffi og Ís". Upptökur fóru fram í SúdíóGeiranum og sérstakur gestahljóðfæraleikari spilaði með að þessu sinni en það var enginn annar en Bassa- og trommufanturinn Vallazz Vidunaz.
Gjörið svo vel og hlustið.

SveinBjörn - Kaffi og Ís

Barist um SveinBjörn meðal plötuframleiðenda

2006-01-27T22:06:00.000Z

Þessa dagana rignir gylliboðunum inn á skrifstofu SveinBjarnar frá plötuframleiðendum. StúdíóGeirinn hefur meðal annars gert tilboð sem hljóðar upp á einn gamlan tveggja sæta sófa og verður það tekið fyrir á næsta stjórnarfundi SveinBjarnar HF.
Hugsanlega er von á nýju lagi frá SveinBirni en einn meðlimur hljómsveiterinnar, hann Bizz hefur gefið í skyn að upptökur fari að hefjast á laginu Óður til Sláttuvélar.

Formleg opnun vefsíðu SveinBjörns

2006-01-19T17:41:00.000Z

Eftir talsvert streð og hönnun hefur vefsíðu SveinBjörns verið ýtt úr vör. Kaffiboð verður í tilefni að opnun vefs þessa í Valhöll (húsi sjálfstæðismanna) á næsta aðalfundi sjálfstæðisflokksins. Heyrst hefur að Davíð Oddson muni jafnvel láta sjá sig ásamt Gísla Marteini.

Með von um góða mætingu.
SveinBjörn